Meta u bën thirrje të rinjve të mos largohen nga vendi

Ai ka kujtuar me nderim politikanët si Azem Hajdari, Arben Broci dhe Gramoz Pashko, të cilët ishin nismëtaret e Lëvizjes Studentore

Presidenti i Shqipërisë, Ilir Meta, ka organizuar mbrëmë pritje me rastin e 8 Dhjetorit, Ditës së Rinisë, transmeton albinfo.ch. Në këtë aktivitet morën pjesë ish-studentë, pedagogë dhe protagonistë të lëvizjes së dhjetorit 1990.

Gjatë fjalës së tij ai ka kujtuar me nderim politikanët si Azem Hajdari, Arben Broci dhe Gramoz Pashko, të cilët ishin nismëtaret e Lëvizjes Studentore, lëvizje e cila solli rrëzimin e regjimit diktatorial. Kreu i shtetit shqiptar tha se është momenti të besohet te rinia.

Gjithashtu ai u bëri thirrje të rinjve të mos largohen nga vendi, por të luftojnë për të kthyer në realitet ëndrrën e dhjetoristëve “E duam Shqipërinë si gjithë Evropa”.