Mësuesit dhe prindërit mobilizohen kundër dëbimit të familjes shqiptare

Familja Zagraxha, pikërisht para pushimeve u njoftua se përpjekjet e saja për të qëndruar në Francë, nuk kanë pasur sukses. E ardhur nga Kosova në shkurt të vitit të kaluar, ajo u vendos në Agen, në lagjen Montanou që nga muaji korrik

Një familjes pesë-antarëshe shqiptare, të ardhur para më tepër se një viti në Francë, i është refuzuar statusi i refugjatëve. Fëmijët e saj janë duke vijuar shkollimin në kolegj dhe në shkollën në Langevin të Montanou.

Familja Zagraxha, pikërisht para pushimeve u njoftua se përpjekjet e saja për të qëndruar në Francë, nuk kanë pasur sukses. E ardhur nga Kosova në shkurt të vitit të kaluar, ajo u vendos në Agen, në lagjen Montanou që nga muaji korrik.

Fëmijët vijuan mësimin në kolegj në Chaumié dhe Dangla, nëpër klasët e nxënësve alofonë (të sapoardhur në Francë) dhe më i riu, 6-vjeçar në shkollën në Langevin.

Nga fundi i këtij muaji pritet që ata ta humbin të drejtën për tu strehuar në qendrën strehuese për azilkërkues, shkruan “Sud Ouest”, përcjell Albinfo.ch.

Pra, me leje apo pa të, disa anëtarë të stafit shkollor dhe prindër të nxënësve, kanë organizuar përkrahje solidariteti për familjen shqiptare. “Shoqatat janë të stërngarkuara”, ka pohuar njëri nga mësuesit e përfshirë në mbështetjen e familjes.