Merkel: BE do të përpiqet të shmang luftën tregtare me SHBA-në

Pas vendosjes së tarifave të Presidentit amerikan Donald Trump, kancelarja Angela Merkel është deklaruar se BE do të përpiqet të shmang luftën tregtare me SHBA-në.

Kancelarja gjermane, Angela Merkel, gjatë ditës së sotme ka thënë se Bashkimi Evropian do të bëjë çdo përpjekje për të shmangur luftën tregtare me Shtetet e Bashkuara të Amerikës.

Ajo ka shtuar se edhe Uashingtoni duhet të bashkohet në këto përpjekje, shkruan Albinfo.ch.

Aministrata amerikane, ka vënë tarifa mbi importet e aluminit dhe çelikut nga Bashkimi Europian dhe është duke shqyrtuar vënien e të njëjtave edhe në makina dhe kamionë.

Sipas Merkel “Ia vlen çdo përpjekje për ta qetësuar këtë konflikt, në mënyrë që ai të mos shndërrohet në luftë të vërtetë. Natyrisht se përpjekje duhen bërë nga të dyja palët”.

Merkel ka thënë edhe se funksionimi i mirë i ekonomisë varet nga vendet partnere të cilat punojnë së bashku.

Presidenti amerikan, Donald Trump ka vendosur disa tarifa të cilat ai i ka quajtur ‘interes i sigurisë kombëtare të SHBA-së”.

BE që nga 1 korriku, ka vënë disa tarifa ‘hakmarrëse’ sa i përket eksporteve në Shtetet e Bashkuara të Amerikës.