Mërgimtarët e Anës së Malit festuan “Ditën e Diasporës”

Në Mal të Zi, për të pestën herë me radhë u shënua Dita e Diasporës, e cila mbodhi mërgimtarë të shumtë nga Amerika e Evropa

Një numër i madh bashkatdhetarësh u mblodhën sot në manifestimin Ditët e Diasporës që tashme për të 5-tin vit me radhë mbahet ne zonën e Anës së Malit të Ulqinit. Qëllimi i këtij manifestimi, sipas organizatorëve, është të ofrojë sa më shumë diasporën me vendlindje, por edhe për të rritur investimet e diasporës në zhvillimin e vendlindjes.

Zëvendësambasadori i Shteteve të Bashkuara të Amerikës në Mal te Zi, Bix Aliu, i cili ishte pjesëmarrës në këtë takim deklaroi se SHBA-të i kushtojnë rëndësi të veçantë evenimenteve të tilla. Ndërsa diaspora shqiptare në mal të Zi këto takime i vlerëson shumë t’i forcuar marrëdhëniet e kurbetit me vendlindjen.

Ditët e Diasporës përveç aktiviteteve të ndryshme, u konkretizuan edhe me një investim, kësaj radhe u vendos  gurë themeli për ndërtimin e fushës së futbollit në Anën e Malit, projekt ky i përbashkët  në mes të diasporës amerikane dhe komunitetit vendor.