Mediat gjermane e ato turke raportojnë për rrahjen e deputetëve të Kosovës

Rrahja mes deputetëve të Kosovës ka bërë bujë edhe në mediat gjermane, ato turke, dhe shumë të tjera

Rrahja me grushte në mes deputetëve të Kosovës, Frashër Krasniqit dhe Milaim Zekës, ka bërë bujë jo vetëm në mediat e rajonit, por edhe më gjerë. Ata ishin rrahur ‘live’ në një debat televiziv, shkruan albinfo.ch.

Për këtë ngjarje kanë raportuar shumë media, ndër to edhe gjermane. “Një nga to, ‘Welt.de’, ka raportuar për këtë incident, duke shpjeguar edhe se si erdhi deri tek rrahja”, njofton “Klan Kosova”.

Kjo media shkruan se dhuna fizike në politikën kosovare nuk është përjashtim. ‘Welt.de’ përmend edhe rastet kur në Parlamentin e Kosovës ishte hedhur gaz nga opozita.

Gjithashtu edhe ‘CNN Turk’, ka raportuar për rrahjen e deputetëve kosovarë. Lajmin e kanë publikuar edhe shumë media të tjera në Turqi si Haber Turk, Dogan News Agency, e të tjera.

https://www.youtube.com/watch?v=IFLKb1I7gys