Më shumë se 34 mijë raste dhe 692 të vdekur në Itali, brenda 24 orëve

Keystone EPA/GIUSEPPE LAMI

34,767 raste të reja me koronavirus janë regjistruar në 24 orët e fundit në Itali, ndërsa fatkeqësisht kanë humbur jetën 692 qytetarë të infektuar.

Numri i përgjithshëm i vdekjeve që nga fillimi i pandemisë ka shkuar në 49,261.

Kurse numri i të shëruarve që nga fillimi i pandemisë ka shkuar në 529,524, pasi në 24 orët e fundit janë shëruar 19,502.

Sa u përket rajoneve më të prekura: Lombardia është konfirmuar si ajo me rritjen më të madhe të rasteve në 24 orë në + 8553, një shifër kjo pak më e ulët se 9,221 e djeshme, shkruan panorama.al, përcjell Albinfo.ch.

Ndjekur nga Veneto (+3.567) dhe Campania (+3.554), + 2.896 në Piemonte, Emilia Romagna +2.723 raste, 2.658 të reja në Lazio.

Në Toscana ka 1.892 raste të reja, ndërsa në Siçili rritja është 1.838. Nga ana tjetër, ka 1,377 më shumë infeksione të regjistruara në Pulia dhe 1,043 ato në Friuli Venezia Giulia. Vetëm Valle d’Aosta regjistroi një rritje me dy shifra (+91), ndërsa rajonet e mbetura regjistruan raste të reja, të gjitha me tri shifra.