Më shumë se 300 të akuzuar për korrupsion në shëndetësi

Gjithsej 364 persona, në mesin e të cilëve të paktën 300 mjekë dhe infermierë, janë akuzuar para Gjykatës së Qarkut të Zagrebit

Bëhet fjalë për aktakuzën më të madhe deri tani të ngritur nga Drejtoria për Eliminimin e Korrupsionit dhe Krimit të Organizuar.

Në të shumtën e rasteve bëhet fjalë për mitdhënie personelit shëndetësor nga ana e firmës farmaceutike “Farmal”, transmetojnë mediet kroate, transmeton Rel.

Sipas tyre, hetimet fillimisht kanë nisur kundër 77 personave, për t’u zgjeruar më pas në 364 persona fizikë dhe një person juridik.

Shumë mjekë thuhet se i presin dënimet me kusht, pasi në të kundërtën, vlerësohet se suspendimi i tyre do të shkaktonte kolaps në sistemin e shëndetësisë primare në Kroaci.