Më shumë raste sociale në qytete

Rritje më e madhe e rasteve të tilla, respektivisht 10 për qind, është shënuar në qytetin Wohlen (Aargau) dhe Grenchen (Solothurn)

Kriza ekonomike globale po lë gjurmët e saj edhe në Zvicër. Njëra ndër pasojat e saj është rritja e numrit të rasteve sociale në qytetet e Zvicrës. Sipas një ankete të bërë nga gazeta “Zeitung” me entet sociale të 14 qyteteve zvicerane del se në dhjetë nga këto qytete gjatë vitit të kaluar është shtuar numri i personave që marrin ndihmë sociale.

Rritje më e madhe  e rasteve të tilla, respektivisht 10 për qind, është shënuar në qytetin Wohlen (Aargau) dhe Grenchen (Solothurn). Pas tyre vijnë qytetet si BADEN (Aargau) me 9%, Luzern me 9%, Olten (Solothurn) me 7% dhe Schafhausen me 5%.

Ndërkohë, qytete e mëdha si Cyrihu, Berna dhe Bazeli, nuk kanë shënuar ndonjë rritje të theksuar të numrit të shfrytëzuesve të ndihmave sociale. Po kështu qëndron gjendja edhe në kantonin Baselland.