Më 7 qershor fillon “Java e Kulturës Shqiptare” në Austri

Këshilli Koordinues Shqiptar në Austri ka bërë të gjitha përgatitjet për organizimin e Javës së Kulturës Shqiptare në Austri e cila do të fillojë të dielën më 7 qershor në Vjenë.

Sipas një njoftimi nga ky këshill, ky manifestim do të përcillet me aktivitete të ndryshme.

“Java e Kulturës Shqiptare në Austri përcillet me një mori aktivitetesh dhe performancash të ndryshme. Me muzikë klasike e cila do të interpretohet nga soprano-tenorë dhe instrumentistë shqiptarë që jetojnë në Austri, me këngë dhe valle burimore shqiptare, film shqiptar, ekspozita skulpturë –pikturë, orë letrare dhe aktivitete të ndryshme sportive si: shah, futboll, darts, e të tjera”, thuhet në njoftim, raporton “albinfo.ch”.

Java e Kulturës Shqiptare 2015 përfundon më 18 qershor.