Më 27 dhe 28 maj në Prishtinë mbahet Forumi i Bizneseve të Diasporës

Një ngjarje dy-ditore do të mbledhë qindra biznese të Diasporës, të huaj dhe të Kosovës në Prishtinë, ku do të marrin pjesë në takimet biznesore B2B.

Të premten dhe të shtunën, më 27 dhe 28 maj, në Prishtinë do të mbahet Forumi i Bizneseve të Diasporës.

Në këtë ngjarje dyditore do të marrin pjesë ndërmarrje të shumta nga diaspora dhe Kosova për qëllim të rrjetëzimit dhe krijimi të partneriteteve mes bizneseve dhe marrëveshjeve për eksport.

Ky event organizohet çdo vit me përkushtim nga Rrjeti i Bizneseve të Diasporës Shqiptare, i cili hap tregun evropian për prodhuesit kosovarë dhe shton mundësitë investuese të bizneseve të Diasporës në Kosovë, raporton albinfo.at.

Të pranishëm në ditën e parë të forumit do të jenë përfaqësues institucionalë dhe pjesëtarë të bizneseve vendore, të diasporës dhe të huaja.

Në këtë forum parashihen gjithashtu takime mes bizneseve (B2B), panel diskutimi, prezantime të ndryshme në tema të eksportit dhe investimeve.

Kurse në ditën e dytë të forumit parashihet të bëhen vizita të bizneseve nga diaspora te biznese të suksesshme në Kosovë.

Forumi organizohet nga GERMIN, Rrjeti i Bizneseve të Diasporës – Degët në Evropë dhe USAID Kosovo #CompeteActivity.

 

---