evente
Mbrëmja AlbGala e platformës mediale albinfo.ch, një përjetim i paharrueshëm

Në një atmosferë solemne, me ambient të ngrohtë e miqësor, platforma mediale Albinfo.ch ka mbajtur mbrëmë në Cyrih mbrëmjen AlbGala të fundvitit.
Aktivitetin e kanë nderuar me pjesëmarrjen e tyre edhe krerët e përfaqësive diplomatike nga hapësirat shqiptare, pastaj politikanë shqiptaro-zviceranë si dhe shumë aktivistë kulturorë, shoqërorë e sportivë, shqiptarë e zviceranë.

Kanë marrë pjesë edhe një numër i njerëzve nga biznesi, partnerë afaristë të Albinfo.ch, të cilët kanë merita të mëdha për mbarëvajtjen e platformës. Në këtë mbrëmje, siç është bërë tashmë traditë, janë ndarë edhe çmimet për Personalitetin e Vitit 2024, në gjashtë fusha të ndryshme, të cilët me arritjet e tyre kanë shënuar vitin 2024 në komunitetin shqiptar të Zvicrës.

Kështu, çmimin për angazhim shoqëror dhe humanizëm e ka merituar veprimtarja e njohur humaniste nga Cyrihu, Valdete Hoti.

Për politikë, Florian Haçkaj, veprimtar dhe afarist, ndërsa për Sport, Albinfo.ch ka vlerësuar me çmimin përkatës arbitrin e njohur të niveleve ndërkombëtare, Bekim Zogaj.


Personalitet i Vitit 2024 për sektorin e biznesit është zgjedhur afaristi i njohur nga Zvicra frankofone, pronari i kompanisë Greenhouse, Nazmi Mehmetaj.

Për kulturë, gjegjësisht për muzikë, çmimi ka shkuar në duart e këngëtarit të suksesshëm të muzikës rap, Arbër Rama (EAZ).

Personaliteti i Vitit 2024 për mjekësi është shpallur mjeku i shquar, neurokirurgu dhe profesori universitar, Edin Nevzati.

Kjo mbrëmje është udhëhequr nga moderatori i mirënjohur nga Kosova, Berat Miftari, i cili ka madhështuar këtë mbrëmje gala.
Për atmosferë të këndshme të mbrëmjes janë kujdesur pianistja Kristina Martini si dhe Florent Abrashi me bendin e vet, të ardhur nga Prishtina.
Aktiviteti është mbajtur në ambientet e restorantit modern Letzigrund të vëllezërve Kqira në Cyrih, të cilët kanë mirëpritur dhe gostitur me profesionalizëm dhe me ushqime të përgatitura e të shërbyera me dashuri.
Një mbrëmje e paharrueshme për rreth 200 mysafirët e mbrëmjes Gala, të organizuar nga platforma mediale Albinfo.ch.


Të ngjashme
Të tjera nga evente
E-Diaspora
-
Vdes 18 vjeçari nga Kosova, në një liqe, në Gjermani Një 18-vjeçar vdiq të premten si pasojë e një aksidenti që ndodhi teksa ai ishte duke...
-
30 vjet të Ansamblit “Vatra”, një përvjetor që frymëzon
-
Gjermani: Humb jetën tragjikisht 18-vjeçari shqiptar në një liqen
-
Mira Murati këtë vikend martohet në një ceremoni private në Toskanë
-
Ambasada e Shqipërisë në Vjenë prezanton denjësisht traditat shqiptare
Jeta në Austri
-
Carinthia: Dy të vdekur në liqene gjatë fundjavës Gjatë fundjavës, dy persona u mbytën në liqene, konfirmoi për APA një zëdhënës i Drejtorisë së...
-
A mund të natyralizohen fëmijët nën 18 vjeç në Austri?
-
Ekstremi i djathtë në Austri përpiqet të shfrytëzojë tragjedinë në Graz për përçarje dhe urrejtje
-
Austri: Sa po zbatohet vendimi për ndalimin e telefonave në shkolla?
-
Policia e Vjenës do të mbyllë 2/3 e stacioneve gjatë fundjavave dhe festave