Mbi 6 mijë kosovarë i drejtohen bregdetit shqiptar

Qytetarët e Kosovës i janë drejtuar bregdetit shqiptar që në orët e para të ditës së shtunë.

Më shumë se 6 mijë persona kanë hyrë në doganën e Morinës, ndërsa pjesa më e madhe e tyre kalojnë fundjavën në Durrës, Shëngjin e Velipojë.

“Po shkojmë në Velipojë për pushime”.

“Në shtëpinë tonë në Durrës”, u shprehen shtetasit nga Kosova.

Duket se jo vetëm qytetarët, por edhe autoritetet e kanë harruar shtimin e rasteve me Covid, pasi udhëtarët lëvizin lirisht pa maska.

“Nuk është gjë, kjo është përrallë për mua. Nuk jemi trembur për luftë, jo tani”.

“Kujdes po, frikë dhe panik jo”, thanë qytetarët.

Policia kufitare punoi me procedurë të përshpejtuar për të shmangur radhët e gjata. Që prej datës 1 qershor kur u hap kufiri tokësor, dita e sotme ka shënuar fluksin më të larteë të lëvizjes në Morinë.

---