Mbi 40 mijë të vdekur nga koronavirusi në botë

Numri i të vdekurve nga koronavirusi ka kaluar 40 mijë në mbarë botën. Përhapja e Covid-19 në Europën Perëndimore dhe në SHBA ndikoi në rritjen e madhe të të prekurve.

Të martën, autoritetet spanjolle konfirmuan 849 viktima, numri më i madh i të vdekurve në vend në 24 orë që nga shpërthimi i pandemisë.

Ndërkohë, autoritetet në Gjermani thonë se vendi ka të paktën 67.051 raste të konfirmuara dhe 650 të vdekur.

Në mbarë botën të infektuar raportohet të jenë 800,000 persona.

---