Mbi 20 libra të shkrimtarëve shqiptarë nga mërgata, prezantohen në Kosovë

Mësohet se ministrja e Punëve të Jashtme dhe Diasporës, Donika Gërvalla, mori pjesë në prezantimin e mbi 20 librave të botuara në dy vjet;t e fundit nga shkrimtarët shqiptarë në mërgatë, në një organizim të Lidhjes së Krijuesve Shqiptarë në Mërgatë në Bibliotekën Kombëtare të Kosovës, përcjell albinfo.ch.

Gjatë këtij takimi, ministrja Gërvalla theksoi para autorëve nga mërgata se Qeveria e Kosovës është duke u angazhuar seriozisht që të krijojë mekanizma institucionalë, në mënyrë që kultura të jetë një prej tipareve kryesore, përmes të cilave na njeh e gjithë bota.

Gervalla thekson se realiteti i ri i vendosur në Kosovë synon krijim të kushteve të mira për punë dhe jetesë, për të gjithë të rinjtë e vendit dhe gjithashtu synon të motivojë edhe të rinjtë e mërgatës për t’u kthyer dhe për të punuar këtu. Pas prezantimeve, Gërvalla ishte nikoqire e këtij grupi të shkrimtarëve nga diaspora, me të cilët pati një bashkëbisedim në MPJD, për çështje që lidhen me mërgatën, arsimin dhe shkencën.