“Mbase nuk do të kërkohet largimi edhe i ambasadorit amerikan… ”

Ambasadori amerikan në Kosovë, Philip Kosnett, ka adresuar një mori kritikash në lidhje me punësimet partiake në Kosovë.

Ambasadori Kosnett kërkoi nga qytetarët të ngrisin zërin kundër zyrtarëve të pasuruar.

Në lidhje me këto deklarata të Kosnett ka shkruar edhe shefi i Grupit Parlamentar të LDK-së, Avdullah Hoti.

Ai tha se pas këtyre deklaratave të ambasadorit amerikan, shpreson se nuk do të kërkohet largimi i tij sikurse kërkuan largimin e ambasadorit të Zvicrës pas deklaratave për veteranët e rrejshëm, shkruan albinfo.ch.

“Përshëndes deklarimin e qartë të ambasadorit amerikan në Prishtinë për punësimet në institucione mbi baza familjare, nepotiste dhe partiake.
Shpresoj se tash ndonjë nga dhjetëra ministrat apo zëvendësministrat nuk do të kërkojë “largimin” e tij, siç kërkuan për ambasadorin zviceran”, ka shkruar Hoti.