Turistët i anulojnë rezervimet në Ohër dhe Strugë

Kjo si pasojë e masave të reja anti-Covid

Mysafirët e huaj, veçanërisht ata të Ballkanit, kanë filluar anulimin e prenotimeve për në Ohër dhe Strugë në kapacitetet private. Arsye janë masat e vendosura kundër Covid, veçanërisht nevoja për të treguar dëshmi për vaksinim në hyrje të ambienteve gastronomike. Madje, disa mysafirë janë larguar nga Ohri para kohe.

Disa biznese të tjera në sektorin e turizmit kanë vendosur të mbyllin objektet për shkak të situatave të pakëndshme.

Gastronomët dhe pronarët privatë të apartamenteve thonë se masat duhet të ishin aplikuar gradualisht, jo të gjitha menjëherë. Bizneset e tjera të vogla që jetojnë drejtpërdrejt ose tërthorazi nga turizmi filluan t’i ndiejnë pasojat.

---