Maqedonia mbyll kufijtë: Afganët nuk mund të kalojnë

Maqedonia të dielën mbylli kufirin e saj me Greqinë për qytetarët afganë. Autoritetet në Shkup deklaruan se arsye e mbylljes së kufirit për afganët ishte se të njëjtën e kishte bërë Serbia me Maqedoninë për njerëzit nga Afganistani, transmeton albinfo.ch.

Sirianë dhe irakianë janë lejuar të hyjnë nga Greqia në Maqedoni. Në vendkalimet kufitare Idomeni për këtë arsye kanë pritur gati 4000 njerëz në udhëtimin e tyre rrugës për në Evropë. Që nga nëntori Maqedonia kishte lënë të hyjnë vetëm afganë, sirianë dhe irakianë.

Maqedonia shtrihet në rrugën e Ballkanit midis Greqisë dhe Serbisë, nga ku shumica e refugjatëve dëshirojnë të udhëtojnë në Austri, Gjermani dhe Skandinavi.