Maqedonia dhe Bullgaria nënshkruajnë marrëveshje

EPA/VALDRIN XHEMAJ

Ministri i Punëve të Jashtme i Maqedonisë së Veriut, Bujar Osmani, dhe homologia e tij bullgare, Teodora Gençovska, nënshkruan sot në Sofje protokollin dypalësh pas mbledhjes së Komisionit të përbashkët Ndërqeveritar.

Ky akt vjen një ditë pas miratimit të Propozimit Francez në Kuvend.

“Bullgaria është vendi që mbështet më fuqishëm integrimin evropian të Republikës së Maqedonisë së Veriut dhe Shqipërisë”, tha Gençovska, pas nënshkrimit.

Derisa ministri  Osmani theksoi se sot hapet një kapitull i ri në marrëdhëniet mes dy vendeve.

“Për ne është një mundësi historike që pas 17 vjetëve të statusit kandidat, Republika e Maqedonisë së Veriut të ketë mundësinë që të nesërmen të fillojë negociatat me BE-në, duke filluar kështu fazën e fundit të anëtarësimit tonë në BE”.