Maqedoni e Veriut: Vdesin tetë pacientë nga COVID-19, 127 raste të reja

(KEYSTONE/Jean-Christophe Bott)

Ministria e Shëndetësisë në Maqedoninë e Veriut ka njoftuar se gjatë 24 orëve të fundit kanë ndërruar jetë tetë pacientë me COVID-19.

Pesë nga viktimat janë nga Shkupi, një nga Tetova, një nga Struga dhe një nga Kërçova.

Ndërsa, nga 904 testime janë regjistruar 127 raste të reja me COVID-19.

Prej rasteve të reja Shkupi ka 57 raste, Kumanova 4, Shtipi 13, Tetova 6, Struga 10, Ohri 7, Gostivari 89, Kavadari Demir Hisari me nga 1 rast, Kratova dhe Probishtipi me nga 2 raste, Kërçova me 4 raste dhe Sveti Nikole 12 raste, përcjell albinfo.ch.

Instituti për Shëndet Publik po ashtu regjistroi edhe 83 pacientë të shëruar. Deri tani në Maqedoni janë bërë 85.820 testime për koronavirus.

Numri i përgjithshëm i të diagnostikuarve me koronavirus në Maqedoninë e Veriut që nga fillimi i epidemisë është 9.153, numri i të shëruarve 4.810, numri i të vdekurve 422, ndërsa momentalisht ka 3.921 raste aktive.