Maqedoni: Çmimi i lartë i bukës dhe produkteve të tjera, qytetarët të pakënaqur

Përveç mungesës së bukës nëpër shumë markete ditëve të fundit, qytetarët e anketuar nga TVM2  të revoltuar edhe  me çmimin dhe cilësinë që marrin.

Ata thonë se çmimi aktual i bukës është i lartë në krahasim me standardin e tyre ndërsa shprehen të pakënaqur edhe me cilësinë dhe sasinë të cilën e paguajnë për një bukë.

“Çmimi bukës është i lartë në krahasim me standardin, jo vetëm buka por nuk ke asnjë artikull që nuk është çmimi i lartë ndërsa rrogat janë  20 mijë denarë. Çfarë cilësie ka një bukë prej  300 gramëve, ndërsa e shesin një kilogram 35 denarë. Një kifle është 35 denarë”

“Çmimi është i lartë, ka dikush nuk mund të blej buk, dikush blen deri 5 kilogram ku do ti merrë paratë. Nuk është edhe e shëndetshme kjo bukë e mbushur më shumë me patate dhe e fryjnë ndërsa nuk i ka as 300 gram”.

“200 gram buka 35 denarë i bie 3 euro një kilogram bukë. Kualitet nuk ka, çka është më e zezë janë duke futur në to, i helmuan popullin”.

“Çmimi i bukës duhet të jetë mesatar dhe në bazë të gjendjes aktuale duke pasur parasysh shtrejtësinë dhe gjendjen ekonomike të populates, është shumë e ultë. Sa i përket cilësisë furnizohem nga një furë por edhe kemi filluar të gatuajmë”.

“Çmimet shumë të larta, më mirë të bëjmë buk të shpisë”.

“Kualiteti i bukës varet  nga prodhuesi. Ka buk që është e shijshme dhe e mirë për ta ngrënë, por ka edhe jo të mira, ku mos të them çka nuk mund të gjesh në të” – u shprehën disa nga qytetarët e intervistuar nga TVM2.

Ndryshe ditë më parë ministri i ekonomisë Kreshnik Bekteshi njoftoi se  me vendimin e fundit të qeverisë të gjithë personat juridik dhe fizik të regjistruar për prodhimin e bukës kanë për detyrim  ta prodhojnë dhe  ta vendosin në qarkullim bukën me çmimin e ngrirë prej 33 denarë./koha.mk