Mandl e mbështet reagimin e Torres: Kosova nuk do të zhduket

Në dhjetor të vitit 2023, Kingsley Wilson, që tani është emëruar zëvendëssekretare e shtypit në Departamentin e Mbrojtjes në SHBA, kishte bërë një postim në platformwn X që pati ngjallur reagimin e komunitetit shqiptar, përcjell albinfo.ch.

“Ta bëjmë Kosovën sërish Serbi”, ishte postimi i saj.

Për këtë ka reaguar kongresisti amerikan, Ritchie Torres i cili tha se Wilson po përpiqet “me turp që ta delegjitimojë Kosovën”, por thotë se kjo nuk do të funksionojë.

E reagimin e Torres në platformën  X e ka shpërndarë edhe eurodeputeti Lukas Mandl, i cili e ka mbështetur deklaratën në fjalë të kongresistit amerikan.

Mandl ka deklaruar se Kosova nuk do të zhduket.

“Shteti më i ri i Evropës i bazuar në një popullsi të lashtë të vjetër dhe një kushtetutë moderne që është shembull për bashkëjetesën paqësore të etnive dhe feve nuk do të zhduket”, ka thënë Mandl.