Majlinda Kelmendi refuzon ofertat e huaja, zgjedh të zhvillojë xhudon në Kosovë

Keystone EPA/ORLANDO BARRIA

Trajneri i njohur i xhudos, Driton Kuka, ka bërë të ditur se për Majlinda Kelmendin interesimi nga shtete të ndryshme nuk është ndalur, madje oferta konkrete kanë ardhur edhe muajt e fundit. Megjithatë, sipas tij, ajo mbetet e palëkundur në vendimin për të vazhduar rrugëtimin e saj në Kosovë.

Ai tha për RTK se edhe një shtet i fuqishëm ekonomikisht, i përfshirë aktualisht në konflikt, ka tentuar ta afrojë Majlindën, por ajo ka zgjedhur të qëndrojë. Fokusin e saj tani e ka te puna si trajnere dhe zhvillimi i gjeneratave të reja, një mision që e motivon shumë, transmeton albinfo.ch.

Sipas Kukës, përkushtimi ndaj vendit dhe dëshira për të kontribuar në ndërtimin e sportistëve të rinj janë arsyet kryesore pse ajo vazhdon të refuzojë ofertat nga jashtë.