Majlinda Kelmendi, Kampione e Botës

Ky vlerësohet të jetë suksesi më i madh në histori të sportit kosovar deri më tash

Majlinda Kelmendi, ka fituar titullin e kampiones botërore në xhudos, duke  kurorëzuar karrierën e vet dhe sportin e Kosovës me titullin më të lartë. Ajo për medaljen e artë në kategorinë deri në 52 kilogramë në Kampionatin Botëror që po mbahet në Rio de Janeiro të Brazilit, në finale e mposhti brazilianen shumë të fortë, Erika Miranda. Ky vlerësohet të jetë suksesi më i madh në histori të sportit kosovar.

Deri në finale Kelmendi fitoi edhe katër luftëra të tjera, shkruan koha.net.

Për të arritur  te majat e xhudos botërore në Rio, krenaria e sportit kosovar ka mposhtur portugezen, Joana Ramos, me ippon në rrethin e dytë të këtij kampionati, derisa në rundin e tretë mundi francezen Priscilla Gneto. Në raundin e tretë xhudistja kosovare e mposhti gjermanen Mareen Kraeh, duke e hedhur në dysheme me ippon vetëm 28 sekonda pa përfunduar dueli mes tyre.

Me këtë fitore, Majlinda doli fituese e kategorisë A dhe u desh të ndeshet me fituesen e kategorisë B, rivalen e vjetër të saj, Yuki Hashimoton.