Lajme

Majlinda Kelmendi fiton medaljen e bronztë në Tel Aviv

E enjte, 18 Shkurt 2021 - 19:55 albinfo.ch

Kampionia olimpike, Majlinda Kelmendi, ka fituar medaljen e bronztë në Grand Slamin e xhudos në Tel Aviv. Në luftë për medalje të bronztë, xhudistja pejane është dashur të takohet me belgen Charline Van Snick. Por Van Snick nuk u paraqit në tatami për shkak të një lëndimi.

Me këtë xhudiste Majlinda ishte përballur më 11 janar në Mastersin e Dohas, pikërisht për vend të tretë. Majlinda e kishte fituar atë luftë.

Ajo në Grand Slamin e Tel Avivit ishte bartësja e parë, por u befasua në gjysmëfinale nga britanikja Chelsie Giles.

Deri në gjysmëfinale Majlinda kishte shënuar dy fitore të vështira.

Kosovën në Grand Slamin e Tel Avivit të premten e përfaqësojnë edhe Akil Gjakova dhe Laura Fazliu.

 Të tjera nga Lajme

167 km/orë në vend të 50 km/orë – 5 vjet burg dhe dëbim për kosovarin

 E-Diaspora

 Jeta në Austri