LVV-ja me gati gjysmë milioni vota në zgjedhjet e 28 dhjetorit

Afro 500 mijë vota për Vetëvendosjen në zgjedhjet e 28 dhjetorit

Lëvizja Vetëvendosje (LVV) ka dalë fituese e zgjedhjeve me gjithsej 486 mijë e 994 vota, sipas rezultateve nga votat e numëruara deri më tani, shkruan albinfo.ch.

Nga ky total, një pjesë dërrmuese e votave janë përqendruar te kryetari i subjektit dhe njëherësh kryeministri në detyrë, Albin Kurti, i cili ka arritur të grumbullojë 404 mijë e 023 vota personale.

Kjo shifër e bën Kurtin kandidatin më të votuar në këto zgjedhje, duke reflektuar një mbështetje të lartë individuale brenda dhe jashtë elektoratit të LVV-së.

Procesi i numërimit të votave ka përfshirë votat e rregullta, ato me kusht, si dhe votat nga diaspora, ndërsa rezultatet përfundimtare pritet të certifikohen nga Komisioni Qendror i Zgjedhjeve (KQZ) në ditët në vijim./Albinfo.ch

---