Luan Bajraktari pjesëmarrës në ekspozitën ndërkombëtare në Vjenë

Kjo ekspozitë vjen si rezultat i ftesës së tij për të qenë pjesë e programit të njohur të rezidencës artistike Krinzinger AIR 2025

Artisti nga Kosova, Luan Bajraktari është duke marrë pjesë në ekspozitën “AIR – Krinzinger Residency Artists”, që po mbahet në Galerinë Krinzinger në Vjenë, Austri, shkruan KultPlus.

Kjo ekspozitë vjen si rezultat i ftesës së tij për të qenë pjesë e programit të njohur të rezidencës artistike Krinzinger AIR 2025, transmeton albinfo.ch.

Në kuadër të këtij programi, Bajraktari ka zhvilluar një periudhë krijuese në rezidencën e galerisë në Kuberton, Kroaci.

Në Vjenë, ai po prezantohet me një seri punësh që përfshin skulptura në bronz të frymëzuara nga vegla të zakonshme pune, si dhe vizatime të tjera.

Përmes këtyre veprave, artisti transformon objekte të përditshme, duke i zhvendosur nga funksioni i tyre praktik në një kontekst reflektues mbi përditshmërinë, punën dhe raportin mes objektit dhe hapësirës.

Ekspozita mbledh artistë nga vende të ndryshme dhe përfaqëson një platformë ndërkombëtare të rëndësishme për artin bashkëkohor.

---