Lipa kompleton vitin me një çmim të rëndësishëm

Tashmë është e qartë se Dua Lipa po shijon një vit të mrekullueshëm për karrierën e saj.

Jo vetëm që doli e para në Britani të Madhe me hitin “New Rules”, por Dua Lipa arriti që me albumin e saj të parë të ketë tjetër sukses në botë.

Mbi të gjitha, Dua Lipa tani ka marrë çmimin ASCAP Vanguard për kontributin e saj për muzikën.

Çmimet ASCAP mbahen çdo vit në SHBA dhe Britani të Madhe. Në ceremoninë, ku fitoi Lipa, u nderuan talentet britanike, ata që i kanë dhënë formë të re muzikës britanike.

Lipa shfrytëzoi rrjetet sociale për të treguar festën për suksesin e madh të arritur, shkruan albinfo.ch.

“Faleminderit ASCAP për çmimin. Çfarë ceremonie e mrekullueshme”, ka shkruar ajo në Instagram duke shtuar se “po përgatit diçka të re”.

Për çmimin e Dua Lipës ka shkruar edhe MTV e Britanisë së Madhe që ka vlerësuar se ky çmim është plotësisht i merituar për kosovaren.