Lideri opozitës, Lulzim Basha, fton qytetarët për protestë

Në vazhdimin e turneut të takimeve me qytetarët, kryetari i Partisë Demokratike, Lulzim Basha, nga Kamëza ku kërkoi nga qytetarët që t’i bashkohen protestës së 16 shkurtit. 

Lulzim Basha tha se janë shterur të gjitha mjetet politike për të rrëzuar këtë bandë, siç e quajti ai. E vetmja rrugë, tha Basha, është bashkimi i shqiptarëve. 

Sipas tij, Rama ka vizituar këtë zonë vetëm pasi gjendja u qetësua dhe mashtroi duke premtuar 700 mijë euro për të përballuar emergjencën.  

“Natyrisht ishte një tjetër mashtrim. Asnjë kokërr leku nuk iu dha Bashkisë së Kamzës. Asnjë cent dëmshpërblim 700 familjeve, të cilët u përmbytën për shkak jo vetëm të motit, por të pakujdesisë dhe neglizhencës së Edi Ramës”, deklaroi ai.