Lauterbrunnen, destinacioni më ikonik i Zvicrës

Lauterbrunnen është pa dyshim një nga destinacionet më ikonike të Zvicrës.

Me pamjet që të lënë pa frymë, fshati ka gjithçka për të joshur vizitorët në kërkim të peizazhit të bukur dhe autenticitetit. Shumë turistë vijnë nga larg për të parë vetë pamjet, përcjell albinfo.ch.

Është një sukses gjithnjë e më i dëshiruar nga njerëzit e huaj se sa vendasit, që kohët e fundit nuk e kanë vizituar këtë vend, ndërsa të huajt kanë vërshuar këtë vit.

Promovimi i turizmit të fshatit mbështetet kryesisht në rrjetet sociale. Një strategji fituese, për kënaqësinë e madhe të zyrës turistike. “Kemi këtu një nga luginat më të bukura në botë dhe me rrjetet sociale, shihen foto në të gjithë botën, gjë që na sjell një numër të madh turistësh”, thotë drejtori i Turizmit, Thomas Durrer.

Por, për Karl Näpflin, president i qytetit, turizmi masiv është i vështirë për t’u menaxhuar, pasi nuk pritej të arrinte një shkallë të tillë. “Problemi është, ne nuk e prisnim këtë. Është rritur jashtëzakonisht shumë. Pas pandemisë, çdo vit kishte më shumë, dhe kurrë nuk kemi pasur aq shumë sa këtë verë”, thotë ai.

 

 

 

---