Lara Gut Behrami kapet nga kamera duke sharë organizatorin e garës

Problemi është se e gjitha është kapur nga kamera e SRF. Mbetet e paqartë nëse 29-vjeçarja e dinte që po filmohej

Ndërsa ishte në pritje të Kupës së Botës Super-G për femra, favoritja e garës, Lara Gut-Behrami sërish ka “shpërthyer” kundër drejtuesve të garës, në Crans-Montana, Zvicër.

Një kamerë ka kapur deklarimin e saj me fjalë banale, shkruan 20minuten.ch.

Fillimi i Kupës Botërore të Grave Super G është shtyrë disa herë të martën pasdite (sot). Për disa garuese, pritja dhe pasiguria duket se u ka sosur durimin, tranmseton albinfo.ch. Kjo vlen sidomos me sa duket për favoriten e artë, Lara Gut-Behrami.

“Atëherë unë duhet të shkoj t’i kërkoj falje presidentit dhe t’i them atij se pjerrësia është e mirë, apo jo?” “Më puth b…! “. Kështu i është drejtuar Gut-Behrami një anëtari të ekipit, paksa në tallje.

Por problemi është se e gjitha është kapur nga kamera e SRF, përcjell albinfo.ch. Mbetet e paqartë nëse 29-vjeçarja e dinte që po filmohej.

“Pistat, në gjendje të neveritshme”

Por kundër kujt është drejtuar pakënaqësia e  fitueses së 30 fishtë të Kupës së Botës?. Me “president” në këtë rast mund të nënkuptohet vetëm Marius Robyr, i cili është në fakt president i garës së Kupës së Botës në Crans-Montana.

Gut-Behrami kishte kritikuar ashpër gjendjen e pistës përpara garës në shtëpi, qysh në mes të janarit. “Pista është në  gjendje të neveritshme”, kishte thënë ajo në atë kohë.

Nuk dihet ende se si organizata “Swiss-Ski” komenton sjelljen e garueses së saj.

---