Lajçak shkon në SHBA për të diskutuar për veriun e Kosovës

FB: Lumir Abdixhiku

I dërguari i Bashkimit Evropian për dialogun Kosovë-Serbi, Mirosllav Lajçak, ka njoftuar se do të udhëtojë për në Shtetet e Bashkuara të Amerikës për të diskutuar lidhur me situatën në veri të Kosovës.

“Do të shkoj në Uashington me ftesë të partnerëve të mi amerikanë. Ne do të kemi diskutime intensive për rrugën përpara dhe për hapat e menjëhershëm”, shkroi Lajçak në Facebook, përcjell albinfo.ch.

Tutje tha se gjatë javës ka njoftuar Brukselin për vizitën që ka zhvilluar në Kosovë dhe Serbi së bashku me të dërguarin e Uashingtonit për Ballkanin Perëndimor, Gabriel Escobar.

Për situatën në Kosovë u shpreh se ka biseduar edhe me zëvendëssekretarin e përgjithshëm të NATO-s, Mircea Geoana.

“Të dy jemi pajtuar se duhet të ndërmerren hapa të menjëhershëm për depërshkallëzimin e situatës”, tha Lajçak, përcjell albinfo.ch.