Lajçak: Duam normalizim, jo konfrontim

Sot, i dërguari i Bashkimit Evropian për dialogun Kosovë-Serbi është deklaruar pas takimit të zhvilluar me kryeministrin e Kosovës, Albin Kurti.

Në një deklarim për media, ai është shprehur se duan normalizim dhe jo konfrontim.

“Ne duhet të kemi vetëm normalizim dhe jo konfrontim, pra duhet të kemi normalizim. Ne duam të fokusohemi në normalizim, duhet të evitohet ndonjë eskalim apo konfrontim”, tha ai.

Më tutje Lajçak ka bërë të ditur se ditën e hënë do të zhvillojë një takim me Besnik Bislimin dhe Petar Petkoviqin.

“Patëm një bisedë të rëndësishme. Do të takoj Bislimin dhe Petkoviqin në Bruksel të hënën. Kemi marrëveshjen, aneksin, duhet të kemi të qartë sekuencat”, shtoi Lajçaku.

Lajçak shtoi se pasdite do të shkojë në veri të Kosovës.