Ky është Presidenti i Zvicrës më 2021

Çdo vit Zvicra merr një president të ri, i cili është gjithashtu një anëtar i Këshillit Federal, ekzekutivi shtatë anëtarësh i Zvicrës

Në Zvicër roli i presidentit është kryesisht ceremonial. Shtatë anëtarët e Këshillit Federal Zviceran veprojnë kolektivisht si kreu i shtetit. Vota e presidentit nuk ka më shumë peshë sesa anëtarët e tjerë të Këshillit Federal.

Më 2021, presidenti i Zvicrës do të jetë Guy Parmelin, një ish-prodhues i rrushit të verës nga kantoni frëngjishtfolës i Vaud. Ai është anëtar i Partisë Popullore Zvicerane (UDC / SVP) dhe ishte president i partisë në kantonin e Vaud nga 2000 në 2004, përcjell albinfo.ch.

Parmelin është një nga dy anëtarët e UDC / SVP në Këshillin Federal së bashku me Ueli Maurer. Maurer ishte president më 2019.

Politikani nga Bursins (Vaud) i lindur në 1959, Parmelin u zgjodh në Këshillin e Madh të Vaudit, (parlamenti i kantonit), ku ka shërbyer nga 1994 deri në 2003 derisa u zgjodh në Këshillin Kombëtar, parlamenti federal i Zvicrës. Ai shërbeu atje derisa u zgjodh nga Asambleja Federale në Këshillin Federal më 2015 për të zëvendësuar Eveline Widmer-Schlumpf. Parmelin ka qenë ministër i Çështjeve Ekonomike, Arsimit dhe Kërkimit që nga viti 2019. Para kësaj ai ishte ministër i Mbrojtjes, Mbrojtjes Civile dhe Sporteve.

Në dhjetor 2018, anglishtja e dobët e Parmelin u kritikua në një artikull të NY Times, i cili i referohej një përpjekjeje të ministrit për të folur anglisht në një intervistë.

Sidoqoftë, lufta për të komunikuar në anglisht nuk është e pazakontë midis udhëheqësve të Zvicrës dhe pasqyron sfidat gjuhësore të Zvicrës, të cilat përfshijnë një domosdoshmëri për të mësuar një nga tri gjuhët e tjera kombëtare të Zvicrës së bashku me anglishten.

Sipas Indeksit të Eftësisë Angleze EF, Zvicra renditet e 18-ta nga 100 kombet. Megjithatë ka dallime të mëdha brenda vendit. Zviceranët që flasin gjermanisht flasin më mirë anglisht sesa frëngjishtfolësit ose italishtfolësit, diçka që shihet edhe në renditjen e Gjermanisë (8), Francës (28) dhe Italisë (30) – Guy Parmelin vjen nga Zvicra që flet frëngjisht.

Por tani po hyjmë në vitin 2021. Presidenti i ri i Zvicrës ka pasur më shumë se dy vjet praktikë angleze që nga intervista famëkeqe në dhjetor 2018.

---