Kuvendi konstatoi dorëheqjen e Zoran Zaevit dhe Qeverisë

Keystone EPA/GEORGI LICOVSKI

Kuvendi i Republikës së Maqedonisë së Veriut, sot në seancën për pyetjen e deputetëve e ka konstatuar dorëheqjen e kryeministrit Zoran Zaev. Dorëheqja u konstatua duke mos e arsyetuar vetë Zaevi gojarisht. Dorëheqja e kryeministrit do të thotë edhe dorëheqje e gjithë Qeverisë, përcjell albinfo.ch.

Dorëheqjen nga funksioni kryeministër, Zaevi dje e dorëzoi deri te kryetari i Parlamentit, Talat Xhaferi.

Ai aty kishte shkruar se këtë vendim e ka marë si hap logjik, i cili del nga rezultati i zgjedhjeve lokale.

Në vendin e kryeministrit, Zaev ishte nga 31 maji 2017, ndërsa mandatin e dytë e fitoi vitin e kaluar më 15 korrik.

Me dorëheqjen e tij fillojnë të rrjedhin dhe afatet kushtetuese për zgjedhjen e Qeverisë së re.

Kryeministër i ardhshëm i vendit pritet të jetë Dimitar Kovaçevski nga LSDM, i cili së fundmi u zgjodh dhe kryetar i LSDM-së.