Kuvendi i Kosovës voton Gjykatën Speciale

Pro amendamenteve kushtetuese kanë votuar  82 deputetë, 5 u deklaruan kundër, ndërsa një deputetë abstenoi. Blloku opozitar qëndroi në seancë, por nuk mori pjesë në votim

Kuvendi i Kosovës në përpjekjen e dytë i ka thënë po formimit të Gjykatës Speciale për krime të luftës. Pro amendamenteve kushtetuese kanë votuar  82 deputetë, 5 u deklaruan kundër, ndërsa një deputetë abstenoi. Në këtë proces votimi, blloku opozitar qëndroi në seancë, por nuk mori pjesë në votim.

Formimi i kësaj gjykate do të krijojë rrethana të reja në Kosovës, pasi që gjatë disa viteve, disa nga ish guerilët e UÇK-së do të merren me këtë proces gjyqësor. Formimi i Gjykatës Speciale ka qenë kush i ndërkombëtarëve, për të vërtetuar nëse dhe UÇK ka bërë krime të luftës.

Debati i sotëm në Kuvend kaloi me shumë debate të ashpra ndërmjet opozitës që u deklarua kundër dhe partive të koalicionit që insistoi pro Gjykatës. Madje debati kaloi deri në at nivel sa deputetët përdorën edhe fjalë banale, ndërsa kryeparlamentari Kadri Veseli në përpjekje për të qetësuar ligjvënësit, iu rekomandoi atyre që çështjet personali t;i zgjidhin jashtë Kuvendit.

Ndryshe, kjo ishte hera e dytë që Kuvendi i Kosovës votoi amendamentet kushtetuese për Gjykatën Speciale. Herën e parë, pesë javë më parë, Kuvendi dështo t’i votojë amendamentet. Për kalimin e tyre duheshin dy të tetat e ligjvënësve, që i bije 80 nga 12 sa ka Kuvendi i parë.