Kurti takon mërgatën, u bën thirrje të regjistrohen për të votuar

Foto: Albin Kurti, FB

Të dielën, kryeministri i Kosovës, Albin Kurti, ka ndarë pamje nga takimi me mërgatën.

Ai ka thënë se sa më afër me mërgatën, aq më përpara shkon Kosova.

“Në takimin e mbrëmshëm me bashkatdhetarë frymonte entuziazmi dhe besimi se duke qenë së bashku, do ta vazhdojmë punën e mirë. Përkushtimi do të jetë edhe më i fuqishëm, ashtu siç është edhe e ardhmja e afërt për vendin tonë”, ka thënë kryeministri.

Tutje ai u ka bërë thirrje mërgatës të shfrytëzojnë ditët e fundit për t’u regjistruar në mënyrë që të votojnë në zgjedhjet e 9 shkurtit.

“Edhe katër ditë mbeten nga afati i fundit i regjistrimit për mërgatën, që të mund ta ushtrojë të drejtën për të votuar. Ju ftoj të regjistroheni sa më parë e sa më shpejt, sepse e ardhmja e një Kosove të fuqishme bëhet e mundur vetëm me pjesëmarrjen e mërgatës sonë të fuqishme”, ka shkruar Kurti.