Kurti: S’mund të përgjigjem për atë çfarë ndodh në territorin e Serbisë

Tema lidhur me dronët pranë kufirit të Kosovës

Në një prononcim për mediat e Kosovës, kryeministri i Kosovës, Albin Kurti, e ka cilësuar si çështje të Serbisë raportimin se është rrëzuar një dron nga autoritetet serbe afër Rashkës, përcjell albinfo.ch.

Kurti për këtë është pyetur pas Samitit të Ballkanit Perëndimor që u mbajt të enjten në Berlin, derisa ka thënë se për atë duhet të flasë Beogradi.

Gazetari: Të kujt janë dronët që ishin në kufi me Serbinë?

Kurti: Paj, pyetni në Serbi, çka di unë, pyetini ata. Nuk e di unë dronët e kujt hyjnë në Serbi.

Gazetari: Me siguri se ka informata të sigurisë për këtë.

Kurti: Kështu, kjo ka ndodhur në territorin e Serbisë, pyetini ata. Mbase nuk po mendoni se unë duhet të përgjigjem për atë që ndodh në territorin e Serbisë.

Gazetari: E pse atëherë Serbia e ngriti gatishmërinë ushtarake në territorin e saj?

Kurti: Paj, a po mendoni ju se në një shtet, ku regjimi që qeveris në të nuk është demokratik, gjithçka është racionale? Ka shumë veprime irracionale atje.

 

---