Kur tramvaji të vjen në shtëpi!

Tramvaji ka rrëzuar një shtyllë elektrike dhe është ndalur vetëm pasi ka goditur fasadën e një shtëpie

Në Münchenstein të kantonit Baseland, të mërkurën rreth orës 23.35 një tramvaj i dalë nga binarët ka përfunduar në muret e një shtëpie. Gjashtë persona, nga gjithsej 30 sa ndodheshin në tramvaj, kanë pësuar lëndime të lehta.

Askush nga banorët e shtëpisë nuk është lënduar, ndërsa lartësia e dëmit të shkaktuar nduk dihet ende. Ende nuk dihen shkaqet përse makina ka dalë nga binarët derisa po qarkullonte në relacionin në mes të fshatit Münchenstein dhe stacionit BBC.

Gjatë ecjes së pakontrolluar, tramvaji ka rrëzuar një shtyllë elektrike dhe është ndalur vetëm pasi ka goditur fasadën e një shtëpie. Makina që i takon BLT Baselland Transport AG po ecte me shpejtësi prej 50 km në orë.

Për shkak të aksidentit, linja në të cilën qarkullonte tramvaji në fjalë pritet të mbetet e bllokuar edhe në dy tri ditët e ardhshme.