Kundërshtarët e certifikatës Covid në Zvicër vijnë nga e majta dhe e djathta politike

Kundërshtarët e detyrimit të certifikatës mund të gjenden në të dy anët e spektrit politik, duke filluar nga mbështetësit e Partisë Popullore Zvicerane (SVP) të krahut të djathtë e deri te ambientalistët, sipas një studimi të ri nga Qendra Zvicerane e Kompetencës në Shkenca Sociale (FORS), përcjell albinfo.ch.

Studiuesit e FORS bënë gjithashtu lidhjen midis simpatizantëve të Bashkimit Evropian dhe mbrojtësve të certifikatës Covid.

“Ne e dimë se çështjet e politikës evropiane dhe imigracionit kanë një ndikim shumë të fortë në politikën zvicerane dhe në preferencat e votimit”, tha bashkautori i studimit, Line Rennwald, në një intervistë me transmetuesin publik RTS.

“Ne shohim se ka një korrelacion mjaft të qartë midis mbështetjes për integrimin e mëtejshëm evropian të Zvicrës dhe mbështetjes për certifikatën Covid”.