Kundërprotestë në Shkup, mbështetet Gruevski

Kjo protestë është organizuar kundër asaj të opozitës një ditë më parë. Derisa në tubimin e opozitës u panë edhe flamuj shqiptarë në këtë protestë janë të pranishëm flamujt serbë

Mijëra qytetarë të partisë në pushtet, VMRPO DPMNE po protestojnë sonte në Shkup, në mbështetje të qeverisë së kryeministrit Nikolla Gruevski. Kjo protestë është organizuar kundër asaj të opozitës një ditë më parë, ndërsa analistët konsiderojnë se këshilloj protezash kriza në Maqedoni po thellohet.

Derisa në protestën e opozitës ishin të pranishëm edhe komunitetet tjera, sonte në mbështetje të kryeministri Gruevskit kanë dal edhe komunitetei pakicë serbë. Kjo po dëshmohet pasi që në mitingun e sotëm, krahas flamurit Maqedonas po valëvitet dhe ai i Serbisë.

“Menduan se do të na thyejnë, me materiale të krijuara dhe të montuara si dhe me banda terroriste, menduan se ne do të dorëzohemi, por sonte ata e fituan përgjigjen, Maqedonia nuk shitet, Maqedonia  është e fortë,” tha Gruevski, duke shtuar se “nuk ka tërheqje, nuk ka përkulje, dhe nuk ka leksione”.

Mësohet se e pranishme në tubimin e organizuar nga VMRO-DPMNE është dhe ish-ministrja e Punëve të Brendshme, Gordana Jankullovska. Sipas mediave vendase, tubimi ka nisur me një minutë heshtje, në nder të 8 policëve të vrarë në krye të detyrës në Kumanovë, gjatë javës së kaluar, ku pati përleshje mes efektivëve dhe një grupi të armatosur, nga i cili mbetën të vrarë 20 persona.

Jankullovska, e cila dha dorëheqje ditë më parë nga ministrja e Policisë, ishte politikania kryesore që thelloi hendekun  ndarjeve etnike në Maqedoni. Në valën e përgjimeve që publikoi opozita (LSDM), ajo dëgjohet duke i sharë shqiptarët, madje duke kërkuar “që me ta t’i pastrojë punët një herë e përgjithmonë”.

Analisti politik Vladimir Bozhinovski thekson se mitingu i koalicionit ka për qëllim që të tregojë mbështetjen e qytetarëve për politikat e qeverisë aktuale të Gruevskit. Vetë kr ka thënë se nuk do të jep dorëheqje dhe nuk pranon qeveri kalimtare. Ai këtë deklaratë e ka dhënë në takimin  dytë të liderëve, i cili edhe sot doli të jetë jo produktiv.

Takimi i liderëve ku morën pjesë, Nikolla Gruevski, Zoran Zaev, Ali Ahmeti dhe Menduh Thaçi përfundoi pa asnjë përafrim të qëndrimeve mes partive politike. Në tavolinë është propozimi për vendosjen e parimeve dhe kornizës për bisedime politike, por LSDM-ja kërkon që para se të bisedohet për këto çështje, duhet të barazohet pozicioni i palëve.

Në anën tjetër, mbështetësit e opozitës edhe sonte janë duke qëndruar në tenda, duke protestuar kundër kryeministri Gruevski. Ata kanë thënë se protesta e tyre do të përfundoj në ditën kur të ikë kjo qeveri.