Kundër shfrytëzimit të punës së të varfërve

Rreth njëzetmijë zvicerane dhe zviceranë kanë nënshkruar një letër të hapur drejtuar Parlamentit të Zvicrës, përmes të cilës kërkojnë që uniformat profesionale të punësuarve në shërbime të ndryshme të shtetit të prodhohen në kushte të pranueshme sociale.

Përmes kësaj letre të hapur kundërshtohet praktika e shërbimit të mbrojtjes civile të Zvicrës, i cili përmes nënkontraktuesve, prodhimin e uniformave të punëtorëve të vet e ka porositur në “slums” (lagje të varfra) të Indisë.

Njësoj sikur ky shërbim kanë vepruar edhe shërbime tjera, përfshirë këtu edhe ushtrinë zvicerane, uniformat e të cilës janë prodhuuar edhe në Maqedoni, nën kushte të papranueshme, respektivisht kundrejt pagave shumë të ulëta të punëtorëve të atjeshëm.

Mbledhjen e nënshkrimevbe e ka organizuar organizata “Erklärung von Bern”, e cila angazhohet në fushatat për një globalizim më të drejtë.