Kulturë dhe miqësi: Austriakët vizitojnë Kosovën

Miq austriakë vizitojnë Kosovën dhe festojnë së bashku në “Folk Festival - Anamorava”

Një grup nga Austria ka mbërritur në Kosovë për një vizitë kulturore dhe artistike, gjatë së cilës do të shëtisin në disa qytete dhe vende të njohura turistike të vendit, transmeton albinfo.at.

Në axhendën e tyre përfshihen vizita në Shpellën e Gadimes, qendrën rekreative të Gërmisë dhe atraksione të tjera natyrore e kulturore.

Më 15 gusht, ky grup do të marrë pjesë në festivalin ndërkombëtar “Folk Festival – Anamorava” që mbahet në qytetin e Vitisë. Po ashtu, ata do të zhvillojnë një koncert të përbashkët me ansamblin “Kastriotët” nga Ferizaj, duke sjellë para publikut një bashkim të traditave artistike austriake dhe shqiptare.

Gjatë qëndrimit të tyre në Kosovë, ky grup austriakësh do të kenë edhe takime me zyrtarë të ndryshëm lokalë dhe do të marrin pjesë në aktivitete të tjera të planifikuara.

Ky organizim është mundësuar nga Shoqata “Internacionale” Kapfenberg – Austri, nën udhëheqjen e kryetarit Naim Sadiku, i cili ka theksuar rëndësinë e këmbimit kulturor mes dy vendeve dhe miqësisë së ndërsjellë. /Albinfo.at

VIDEO

---