Kufiri me gjemba mes Finlandës dhe Rusisë

@pixabay

Finlanda ka nisur të vërë tela me gjemba në kufirin me Rusinë në mënyrë që të ndalojë kalimin e paligjshëm të kufirit. Roja kufitare finlandeze tregoi të premten ndërtimin e tre kilometrave të parë të kësaj vije ndarëse me tela me gjemba, në zonën e Pekolas, pranë qytetit në bregun e liqenit Imatras me 25,000 banorë, shkruan Zëri i Amerikës, përcjellë albinfo.ch.

Ndërtimi i kufirit u miratua vitin e kaluar nga qeveria e Kryeministres Sanna Marin me një mbështetje të gjerë politike. Vija kufitare e Finlandës me Rusinë është, 1,340 kilometra, më e gjata ndër të gjitha vendet e tjera të Bashkimit Europian, shkruan Zëri i Amerikës, përcjellë albinfo.ch.

Kufiri prej çeliku, me lartësi tre metra dhe me një zgjatim me tela me gjemba në krye, është të parandalojë kalimet e paligjshme nga Rusia dhe t’u japë kohë autoriteteve që të reagojnë. Gjatë viteve 2015-2016, Moska u përpoq të ndikojë tek Helsinki, duke organizuar një numër të madh azilkërkuesish në pikat e kalimit kufitar verior të Finlandës, shkruan Zëri i Amerikës, përcjellë albinfo.ch.

Autoritetet ruse shtynë mijëra azilkërkues, kryesisht nga Iraku, Afganistani dhe vende të tjera të Lindjes së Mesme, drejt këtyre pikave të kalimit kufitar. Lëvizja u cilësua si një shfaqje force nga ana e Moskës. Çështja u zgjidh kur presidenti finlandez Sauli Niinistö zhvilloi bisedime me presidentin rus Vladimir Putin. Fluksi i emigrantëve u ndal menjëherë pas kësaj, raporton Zëri i Amerikës, përcjellë albinfo.ch.