Kthehen vullnetarisht 178 shqiptarë

178 shtetas të Shqipërisë janë rikthyer në mënyrë vullnetare në Shqipëri, pas refuzimit të kërkesës së tyre për azil nga autoritetet franceze.

Burime zyrtare të policisë së Shtetit bëjnë të ditur se transporti i tyre është bërë i mundur nga Zyra Franceze për Migracionin dhe Integrimin, shkruajnë mediat shqiptare.

Ndërkaq, policia bën të ditur se fluturime të tjera riatdhesimi vullnetare apo të detyruara do të bëhen në javët e ardhshme nga Policia Kufitare, në bashkëpunim me FRONTEX-in dhe vendet e destinacionit, përcjell albinfo.ch.

Vetëm në këto dy muaj janë kryer 156 operacione riatdhesimi, në bashkëpunim me FRONTEX-in dhe vendet e destinacionit, ku janë riatdhesuar 1 044 shtetas.