Kryeministrja e Danimarkës sulmohet në rrugë

Statsministeriet, X

Kryeministrja daneze u sulmua të premten në mbrëmje në Kopenhagë, tha zyra e saj.

Mette Frederiksen u rrah nga një burrë në sheshin publik Kultorvet në qendër të kryeqytetit danez, raportuan mediat lokale.

Zyra e kryeministres tha se ajo mbeti “e tronditur” pas sulmit. Ishte e paqartë nëse ajo ishte plagosur.

Policia daneze arrestoi një të dyshuar dhe konfirmoi incidentin për Jyllands-Posten, pwr gazetën lokale, por nuk bëri asnjë koment të mëtejshëm.

Zonja Frederiksen kohët e fundit ka bërë fushatë me partinë e saj përpara zgjedhjeve të Parlamentit Evropian të dielën.

Zgjedhjet janë dominuar nga një rritje e së djathtës së fortë.

Evika Siliņa, kryeministrja e Letonisë, shkroi në X dikur Twitter, për të shprehur tronditjen e saj.

Magnus Heunicke, ministri i mjedisit, dërgoi mbështetjen e tij, duke e quajtur sulmin “të shëmtuar dhe të papranueshëm”.

“Kryeministrja e Danimarkës Mette Frederiksen u sulmua dhe u rrah sot nga një burrë në Kultorvet në Kopenhagë,” tha ai.

“Mette është natyrshëm e tronditur nga sulmi. Duhet të them që na trondit të gjithëve që jemi pranë saj. Diçka e tillë nuk duhet të ndodhë në vendin tonë të bukur, të sigurt dhe të lirë. Të gjithë kemi përgjegjësi të kujdesemi për njëri-tjetrin dhe për vlerat mbi të cilat është ndërtuar vendi ynë. Policia ka arrestuar një person për sulmin”, tha ai./The Telegraph