Kryeministri ia dyfishon pagën vetes, përfitojnë edhe ministrat e zëvendësministrat

Kryeministri i Kosovës, Ramush Haradinaj, ka marrë vendim duke ia dyfishuar vetes pagën dhe pesë zëvendëskryeministrave të vet, raportojnë mediat vendore.

Në këtë rritje pagash qeveritare janë përfshirë edhe ministrat e zëvendësministrat, përcjell albinfo.ch.

Paga e Haradinajt deri më tani ka qenë rreth 1 mijë e 500 euro, ndërsa me vendimin e ri kjo pagë bruto ngrihet për 100 për qind dhe është 2950 euro në muaj.

Me vendimin e fundit u konfirmua se një zëvendësministër i qeverisë Haradinaj do të ketë pagë mujore bruto prej 1150 euro.

69 zëvendësministrat e qeverisë Haradinaj marrin gati 80 mijë euro në muaj, apo saktësisht 79350 euro.

Për një vit, 69 zëvendësministrat do të marrin pagë totale prej 952 mijë e 200 eurosh.

Ky është vendimi i plotë i qeverisë Haradinaj për ngritje pagash:

http://www.kryeministri-ks.net/repository/docs/Vendimet_e_mbledhjes_se_20.pdf