Kryeministri hungarez bojkoton seancën, ku do të ratifikohej oferta suedeze për pranim në NATO

Kryeministri i Hungarisë, Viktor Orban, dhe partia qeverisëse e Hungarisë, Fidesz, ka bojkotuar seancën e Parlamentit të thirrur nga opozita për të ratifikuar anëtarësimin e Suedisë në NATO.

Tash e disa muaj, Orban u ka premtuar homologëve të tij brenda NATO-s se vendi i tij nuk do të ishte i fundit për të nënshkruar anëtarësimin e Suedisë, premtim që nuk e mbajti pasi Turqia ratifikoi ofertën suedeze muajin e kaluar, shkruan albinfo.ch.

Orban më pas i ka premtuar publikisht Sekretarit të Përgjithshëm të NATO-s, Jens Stoltenberg, se do t’i kërkonte Parlamentit të përfundonte ratifikimin në rastin e parë të mundshëm, teksa sot ka hequr dorë nga ky premtim, duke mos u paraqitur në një seancë të iniciuar nga opozita e vendit me synimin e votimit për pranimin e Suedisë.

TheGuardian ka raportuar se vonesa hungareze ka irrituar thellësisht zyrtarët perëndimorë, të cilët kanë shprehur shqetësim për vonesat dhe për mungesën e qartësisë mbi arsyetimin pas lëvizjeve të Hungarisë.