Kroaci: Emigracioni zvogëlon shkallën e papunësisë

Numri i të papunëve ka rënë në 189,000 ose 10,6 për qind, por këto janë të dhëna alarmuese, si rezultat i emigracionit të të rinjve, sipas ekspertëve kroatë të punës

Kroacia ka shënuar rënien më të madhe të papunësisë në BE, numri i të papunëve ka rënë në 189,000 ose 10,6 për qind, por këto janë të dhëna alarmuese, si rezultat i emigracionit të të rinjve, sipas ekspertëve kroatë të punës.

Ky nivel i reduktimit të papunësisë në Kroaci nuk është vërejtur gjatë dy dekadave të fundit, por thuhet të jetë një shqetësim i madh.

Megjithëse numri i të papunëve të regjistruar në Shërbimin Kroat të Punësimit ka rënë me rreth 52,000 në 12 muajt e fundit, është fakt se numri i të punësuarve në vend nuk po rritet.

Përkundrazi, numri i njerëzve që punojnë (punëtorët në dispozicion) gjatë vitit të kaluar ka rënë me 76,000, ose 4.6 për qind, theksuan analistët, përcjell albinfo.ch.

Nga fillimi i vitit 2014 deri në fund të tremujorit të tretë të vitit 2016 vetëm 128,000 shtetas kroatë kanë migruar përgjithmonë në Gjermani, sipas të dhënave të fundit.

Sipas disa vlerësimeve të tjera në vend, numri i emigrantëve nga Kroacia gjatë katër vjetëve të fundit është më shumë se 200,000, prandaj nuk është për t’u habitur që më pak njerëz raportohen në institucionet kroate për punë.

Nga ana tjetër, numri i të punësuarve në vend ka qenë në të njëjtin nivel për vite me rreth 1.5 milionë, sipas portaleve kroate.