Kriza ekonomike:Politikanët italianë harrojnë privilegjet

Politikanët italianë harrojnë privilegjet si pasojë e presionit nga borxhet dhe të krizës financiare që po mbretëron në Itali

Revista javore “Espresso L”, ka realizuar për disa javë një fushatë kundër  deputetëve, të cilët nuk llogariten vetëm politikanë më të paguar në botë, por shumica prej tyre gëzojnë privilegje të paimagjinueshme, transmeton Blick.

Kështu një deputeti i Senatit italian mund të drekojë në një restorant të lirë me ushqim të shijshëm duke zgjedhur në menu, makarona me salcë “açugat” për 1,60 €, ose një gjellë me mish viçi “carpaccio” për 2,76 €.

Kjo përzgjedhje e ushqimit më të shijshëm dhe me çmim të volitshëm është publikuar nga një deputet i opozitës në internet.

Pastaj janë publikuar edhe privilegjet e tjera të parlamentarëve italianë

Senati kishte të rezervuar një floktar falas. Deputetët kishin qasje direkte në ofertat speciale nga prodhuesit e automjeteve.  Udhëtimet e lira, tashmë ishin bërë të zakonshme. Parlamentarët italianë madje kishin shfrytëzuar edhe orë falas te psikoterapeuti.

Në Facebook, Twitter dhe platforma të tjera në internet ,gjithnjë e më shumë janë shtuar zërat kundër pakos së ashpër të kurismit, me të cilën për dy vjet mund të shpëtohen vetëm 45 miliard euro në Itali..

Italianët e zemëruar ankohen në internet se politikanët janë të prekur minimalisht nga paketa shtrënguese.

Partitë opozitare kanë paralajmëruar një demonstratë masive në shtator kundër paketës së ashpër të kursimit, e cila lenë qytetarët më të varfër, pa ndërhyrë në privilegjet e kastës politike.

Parlamenti italian është duke luftuar për një zgjidhje emergjente, me qëllim të ruajtjes së reputacionit.

Kryetari i Dhomës së Deputetëve, Gianfranco Fini, ka bërë publike masat e marra në funksion të kursimit..

Parlamentarët si pasojë e krizës ekonomike kishin shkurtuar për një javë pushimet e tyre verore.