Kritikohen planet e Greqisë për ndryshime në ligjin e azilit

Organizatat ndërkombëtare për të drejtat e njeriut dhe agjencitë humanitare kanë kritikuar ashpër planet e qeverisë greke për të forcuar procedurat e azilit.

Organizatat Amnesty International, Human Rights Watch dhe Mjekët Pa Kufij thanë se ndryshimet e propozuara do të kufizojnë të drejtën e migrantëve për të kërkuar mbrojtje ndërkombëtare në Bashkimin Evropian.

Shumica e migrantëve që arrijnë në Greqi largohen nga luftërat në Siri, Irak dhe gjetkë, përcjell albinfo.ch.

Autoritetet greke po përpiqen të përballojnë një rritje të mprehtë të numrit të migrantëve në ishujt e saj lindorë.

Kampet e financuara nga BE-ja në Greqi janë të mbipopulluara dhe në shumë raste janë shënuar incidente të dhunshme dhe viktima.

Ndryshimet e propozuara do të votohen në parlamentin e Greqisë gjatë kësaj jave.